AI MAREKTING يجـب ان تعرف هذااا قــبل الاستثـمار في

.................................هاد المنشور خاص بهادوك... إلا ما فهمتيهش هناك الله 🙏........................................

بما أن الموضوع داير البوز هاد ليامات على موقع Ai Marketing أنا غادي نحاول نشرح ليكم علاش هادوك نصابة وغانعطيكم الدلائل حيت بانو ليا بزاف الناس داخلين ليها وبانت ليهم الفلوس باردة تم حيت حنا شعب تانموتو على الباردة ومافينا لي يخدم

1 النقطة الأولى الدفع يتم عن طريق العملات الرقمية وهادشي ميمكنش تبعو هاد الطريقة معروفة وكيعتامدو عليها مواقع النصب ولكن كاين حتى الدفع عن طريق الفيزا وماستر كارد في الاغلب كاتلقا هاد الوسيلة غير متاحة وتيقوليك قريبا.. ومرة مرة كيطلقوها ولكن كيستخدمو منصة الدفع Unitpay والمفاجئة انك تدفع عن طريق موقع Unitpay.money وهذا غير موقع Fake مستنسخ من منصة الدفع الروسية Unitpay.ru ! هادي بوحدها تخليك تشك بنسبة 100%

زيد عليها البيانات ديال البطاقة ديالك كاتبقا مع مول الموقع ماشي مع بوابة الدفع المعتمدة!

2 النقطة التانية هي بلي بيانات وأوراق تسجيل المشروع ماكاين حتى شي معلومة على مالك الموقع أو ال CEO ولا المسؤول عليه وهذا كيعني ان الاوراق الرسمية ديال المشروع ماعندها تا قيمة وماكاين حتى شي مسؤول قانوني عليه وهذا حتى هو دليل على النية ديال مول الموقع وبلي ناوي يغبر في الوقت لي غايشوفو مناسب

3 النقطة الثالثة أن بيانات الدومين باش مسجل الموقع أغلبها مخفية هنا يبان ليك انه مسجل من جزر الباهاماس .. من المفروض الشركة من هونج كونج وهادشي كيدخل الشك

4 رابعاً.. الموقع يكستخدم نظام الـ Ponzi scheme وهذا عامل مشترك بين 99% من مواقع ومشاريع النصب. " سيرش عن الـ Ponzi scheme الى بغيتي تفهم أكتر"

5 خامساً.. الموقع كيعرض عليك ربح يصل إلى 35% شهرياً من مبلغ الإستثمار وهاد النسبة طالعا بزاااف وغير منطقية بالنسبة للبيزنيس وهادشي كيفهموه صحاب الماركوتينغ مزيان عارفينها نسبة غير منطقية كيعطيها ليك غير لي باغي يطمعك معول ينصب عليك حيت الطماع كيقضي عليه الكذاب

6 سادساً.. حسب البيزينس موديل ديالو فلو كل واحد إستثمر 600 دولار فالموقع كل واحد فيهم غايربح فالعام 800 الف دولار والصرف، الى بان ليك هادشي منطقي مرحبا بيك في كوكب زمردة 😅

الخلاصة: مالين داك الموقع المخفيين مزال مقرروش يعلقو بالفلوس ولكن غادي يوقع غدا ولا العام الجاي.. الى كنتي مشارك معاهم سحب فلوسك وبلوكي لكارط لي دفعتي بيها... و الى كنتي مزال مشاركتيش معاهم هانتا فهمتي البلان الى كنتي باغي تفهم سي نو شغلك هذاك سمع لصحاب الريفيرال لي دايرين بحال دوك مالين الكوستيم ديال التسويق الهرمي لي كيقولك غاتخلص 3000 درهم وغاتربح 500 مليون فالشهر